Lippetaal

Die Judaskus . . .

Ek het hierdie skildery op die internet raakgeloop, maar ongelukkig was die naam van die skilder nie daarby nie . Die titel van die skildery was: “Verraad”

Onmiddellik het die Judaskus by my opgekom en in my soeke het ek op hierdie gedig van Hennie Aucamp afgekom.

Verraad

Die judasboom breek uit in bloed

( ‘n boom kan soos ‘n mens bly boet):

Die selfmoord van ‘n Judas

is deur ‘n kus ontsteek;

versoening is verduister –

die judasboom moes breek

dat bloeisels kan verkondig

so vleeslik soos ‘n wond:

die liefde van ‘n judas

is bitter aan die mond.

Die judasboom breek uit in bloed

(‘n boom kan soos ‘n mens bly boet).

Advertisements

Gisteraand toe ek geslaap het

Hierdie pragtige vertaling van ‘n Spaanse gedig deur ‘n Spaanse digter, Antonia Machado, is deur De Waal Venter gedoen. Ek het dit vanoggend op Twitter raakgetweet en onmiddellik verlief geraak op hierdie digter se werk.

Ek noem dit toe aan ‘n  vriend in die VSA en hy verwys my toe na ‘n Spaanse sanger wat  Antonia Machado se gedigte getoonset het, ene Joan Manuel Serrat.

Geniet dit. dit is pragtig . . . .

Gisteraand toe ek geslaap het

Gisteraand toe ek geslaap het,

droom ek – heerlike illusie!

dat ‘n fontein aan die vloei

was in my hart.

Toe sê ek: langs watter geheime kanaal,

kom jy na my, water,

fontein van nuwe lewe

waarvan ek nog nooit gedrink het nie?

Gisteraand toe ek geslaap het,

droom ek – heerlike illusie!

dat ek ‘n byekorf

in my hart het.

En die goue bye

was besig om daar

van myóú sorge

wit was en soet heuning te maak.

Gisteraand toe ek geslaap het,

droom ek – heerlike illusie!

dat ‘n helder son

in my hart geskyn het.

Dit was warm, dit het gevoel

soos die hitte van ‘n vuurherd,

en dit was die son, dit was helder

en dit het my laat huil.

Gisteraand toe ek geslaap het,

droom ek – heerlike illusie!

dat dit God was wat ek hier

in my hart gehou het.

Liewe Maan

Ek “leen” hierdie pos by ‘n vriendin.

“‘n Vrou in haar goue jare, wat elke dag onverskrokke tegemoet gaan; wat graag vir jonger mense wil wys hoeveel pret mens kan hê as jy grys en wys is en wat daarvan droom om Senior Burgers, in Senior Tieners te verander. ”

Sy het soos ‘n verfrissende briesie oor die internet na my toe aangewaai gekom. Gaan kuier gerus hier by haar op haar blog . . . .

      1. Ek leen die skildery van die maan en ek leen die woorde van die ou, halfvergete Afrikaans FAK liedjie “Liewe Maan”.
        Ek leen dit omdat dit vir my mooi is.
        Ek leen dit omdat Afrikaans vir my mooi is.
        Ek leen dit omdat ek vanaand so voel . . .soos die woorde van hierdie liedjie . ..

        Die skildery is gedoen deur Susan Kemp

    1. Susan se volmaan

      Volmaan

      Liewe maan, jy seil so langsaam deur die awendwolke heen.
      Jy’s so kalm en ook so rustig; kon ek daardie rus maar leen.
      Treurig staar ek in die verte na jou stille eensaam baan.
      O, hoe wreed is tog die noodlot–nooit sal ek na jou kan gaan.

      Liewe maan, ek wil my smarte aan jou luist’rend oor vertel,
      wie dit is wat steeds my harte met ‘n teer herinn’ring kwel.
      My geheim is by jou veilig; sien dus maar my trane aan.
      My verlange is my heilig, maar ek weet jy sal verstaan.